Joriy yilning oktyabr oyida «Taraqqiyot» respublika tanlovida ishtirok etuvchilar uchun maxsus veb-portalda (taraqqiyot-tanlov.uz) onlayn ro‘yxatdan o‘tish bosqichi tashkil etildi.

Ro‘yxatdan o‘tish jarayonida Respublikamiz bo‘yicha 8335 nafar talabgor mazkur tanlovda ishtirok etish uchun so‘rovnoma to‘ldirdi.

1-20 noyabr kunlari talabgorlarning so‘rovnomalari tanlov nominatsiyalar bo‘yicha shakllantirilgan ishchi guruhlar tomonidan o‘rganib chiqildi, natijada 4509 nafar talabgor tanlovda ishtirok etish uchun belgilangan talablariga javob bermasligi aniqlandi, 3825 nafar talabgor tanlovda ishtirok etishga tavsiya etildi.

25-30 noyabr kunlari tanlovning 1-bosqich onlayn test sinovi o‘tkazildi, unda 3825 nafar talabgordan 3299 nafari ishtirok etdi. Testlar «Aqliy salohiyat (IQ-test)», «Psixologik barqarorlik» va «Xorijiy tillar (ingliz, nemis, fransuz)» o‘tkazildi, natijalarini maxsus veb-portalda onlayn ravishda kuzatib borish imkoniyati yaratildi. 

Joriy yilning 1 dekabr kuni tanlov komissiyalar tomonidan 1-bosqich onlayn test sinovi natijalari tahlil qilgan holda har bir nominatsiya bo‘yicha navbatdagi bosqichga o‘tish ballari belgilandi, unga muvofiq 2455 nafar talabgor 2-bosqich onlayn test sinovida qatnashish imkoniyatiga ega bo‘ldi. 

2-bosqich onlayn test sinovi «Siyosiy-huquqiy va ijtimoiy-iqtisodiy sohalardagi islohotlar» yuzasidan bo‘lib, Respublikamizning barcha hududlarida 2-5 dekabr kunlari o‘tkazilmoqda. Test natijalarini maxsus veb-portal orqali kuzatib borish mumkin.