Ma’lumki, hozirgi kunda bozorlar va savdo majmualarida sifati kafolatlangan, tegishli sertifikatlar asosida mahsulotlarni iste’molchilarga yetkazish dolzarb muhim masalaga aylandi. Aholi oziq-ovqat mahsulotlarining sifatidan qoniqish hosil qilmayotgani achchiq haqiqatga aylandi.

«O‘zstandart» agentligi o‘zining «Feysbuk»dagi sahifasida so‘rovnoma joylashtirdi. Aytilishicha, agentlik Iste’molchilar huquqlarini himoya qilish jamiyatlari federatsiyasi bilan hamkorlikda «Savdo ob’yektlarida sotilayotgan tovarlarning sifati va xavfsizligini monitoring qilish va kamchiligi mavjud tovarlarni hamma uchun ochiq axborot bazasini yuritish tartibini tasdiqlash to‘g‘risida»gi Vazirlar Mahkamasining qaror loyihasi ishlab chiqdi.

Mazkur qaror loyihasida savdo ob’yektlarida sotilayotgan mahsulotlarni xarid qilib sinovdan o‘tkazish va nomuvofiq chiqqan taqdirda kamchiligi mavjud tovarlarni hamma uchun ochiq bo‘lgan axborot bazasini yuritish va jamoatchilik nazoratini o‘rnatish nazarda tutilgan.