«Omad lotto» lotereyasi «36 dan 5» o‘yinining 501—tirajida bosh sovrin — 1 007 844 750 so‘mlik «JACKPOT» o‘z egasini topganini va ushbu baxtli inson Navoiy viloyatidan ekanligi aytilgan edi. O‘sha omadi kelib milliarderga aylangan — Egamov Rustam Naim o‘g‘li o‘z yutug‘ini qabul qilib oldi.

Rustam aka dadasi O‘ljayev Naim aka bilan Xalq bankining «Omad lotto» lotereyasini o‘yin joriy etilganidan buyon oilaviy o‘ynab kelishini ta’kidladi. U bungacha bir million so‘mgacha bo‘lgan mablag‘larni qo‘lga kiritib kelgan ekan.

G‘olibimiz bugungi «JACKPOT» ajoyib tarzda yutilganini esladi: «Har gal lotereya o‘ynaganimda yo‘limga uchragan avtomobil yoki uylar raqamlariga qarab taxminiy kombinatsiyalar tuzib boraman. Bir kuni katta farzandimga 1 dan 36 gacha bo‘lgan raqamlar orasidan ixtiyoriy 5 ta raqam aytishini so‘radim, qizim beshinchi raqam — 26 deyishiga ulgurmasdan, ukasi men ham bitta raqam aytay deb 4 raqamini aytdi. Negadir ikkinchi farzandim yosh bo‘lgani boismi, u aytgan raqamni emas 26 raqamini belgiladim, o‘sha kombinatsiyaga. Anchadan buyon «JACKPOT»ni yutishni orzu qilib yurardim. Niyatim holis ekan, bugun milliarderman. Bu pullar bilan kelajakda uy-joyimizni kengaytirib, undan samarali foydalanishni rejalashtirganmiz», — deydi omadiga ishongan inson Rustam aka.

Ma’lumot uchun, qahramonimiz «Omad lotto» lotereyasining 501—tirajida 1, 36, 12, 24 va 26 raqamlarini belgilagan.

Barchaga shunday g‘oliblik nasib etsin!

Reklama huquqi asosida