«Oila» IATM Toshkent viloyati boshqarmasi tomonidan «Farovon oila jamiyat ravnaqining asosi» mavzusida targ‘ibot o‘n kunligi o‘tkazildi.

Unda 8500 ga yaqin aholi, o‘qituvchi-pedagog, o‘quvchi, talaba, korxona, tashkilot va tibbiyot muassasasining ishchi-xodimlari va jurnalistlar ishtirok etdi.

Mazkur targ‘ibot tadbirlarining birinchi bosqichida asosiy e’tibor aholining huquqiy madaniyatini oshirishga qaratildi. Unda viloyat Adliya boshqarmasi va uning hududiy bo‘limlari tomonidan O‘zbekiston Respublikasi Konstitutsiyasi, Oila Kodeksi va oilaga tegishli me’yoriy hujjatlarning mazmun-mohiyati haqida tushunchalar berildi. Shuningdek, oilaviy ajrimlar, huquqbuzarlik va jinoyatlarning oldini olish zarurligiga e’tibor qaratildi.

Viloyat sog‘liqni saqlash boshqarmasi va tuman bo‘limi tomonidan «Aholining reproduktiv salomatligi muhofaza qilishda tibbiyot muassasalarining roli» mavzuidagi o‘quv seminarlari o‘n kunlikning ikkinchi bosqichida tashkillashtirildi.

Oxirgi bosqich «Farovon oila - jamiyat ravnaqining asosi» mavzuidagi ma’rifiy tadbirlarda mahalla ahli ishtirok etdi. Fuqarolar o‘zini o‘zi boshqarish organlari faoliyatini muvofiqlashtirish Toshkent viloyati Kengashi va uning har bir bo‘limi mutaxassislari bilan hamkorlikda amalga oshirildi.