Farg‘onada inspektor fuqaroni ichki ishlar idorasiga ishga olib kirish uchun 4 ming dollar so‘radi
Farg‘ona viloyati IIBga qarashli patrul-post xizmati va jamoat tartibini saqlash boshqarmasi post-patrul xizmati bataloni kadrlar guruhi katta inspektori Karimjon Kamolov fuqaro M.Eshpo‘latovaning o‘g‘lini ichki ishlar idorasiga ishga olib kirib qo‘yish uchun 4 ming dollar so‘raydi. Bu haqda O‘zA xabar bermoqda.
Xabarda aytilishicha, Milliy xavfsizlik xizmati Farg‘ona viloyati boshqarmasi hamda Bosh prokuratura huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti viloyat boshqarmasi tomonidan o‘tkazilgan tezkor tadbirda K.Kamolov fuqarolar M.Eshpo‘latova hamda U.Yo‘ldoshevdan xamir uchidan patir sifatida 500 dollarni pora sifatida olayotganida ashyoviy dalil bilan qo‘lga olinadi.
Ma’lum bo‘lishicha, K.Kamolov Jinoyat ishlari bo‘yicha Farg‘ona shahar sudi hukmiga ko‘ra, 5 yil muddatga ozodlikdan muhrum qilingan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter