Chilonzorda qurilish ishlari sabab transport harakati cheklandi
Illyustrativ foto.
Poytaxtning Chilonzor tumani, Muqimiy ko‘chasidan Cho‘ponota ko‘chasigacha bo‘lgan qismida qurilish-montaj ishlari sabab avtotransportlar harakati cheklandi.
11 may kundan boshlab:
- 80, 135-sonli avtobus yo‘nalishlarining harakati Muqimiy ko‘chasidan Arnasoy, Cho‘ponota, Chilonzor ko‘chalari orqali va o‘z yo‘nalishini davom ettirgan holda ikki taraflama;
- 84-sonli avtobus yo‘nalishlining harakati Chilonzor ko‘chasidan Muqimiy, Bunyodkor, KHAY ko‘chalari orqali va o‘z yo‘nalishini davom ettirgan holda ikki taraflama;
- 103-sonli avtobus yo‘nalishining harakati Chilonzor ko‘chasidan Muqimiy, Arnasoy, Chilonzor ko‘chalari orqali va o‘z yo‘nalishini davom ettirgan holda ikki taraflama tashkil etilgan.
«Toshshahartransxizmat» keltirilgan noqulayliklar uchun uzr so‘ragan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter