Buxoroda maxsus svetofor o‘rnatildi
Buxoro shahridagi 24-sonli ko‘zi ojiz bolalar uchun ixtisoslashtirilgan maktab-internati oldida ovozli svetofor o‘rnatildi.
Qayd etilishicha, mazkur ko‘zi ojiz bolalar uchun ixtisoslashtirilgan maktab-internati A-380 avtomagistral yo‘li yoqasi — Gazli shoh ko‘chasida joylashgan.
Svetofor har bir chiroq yongani haqida «to‘xtab tur» degan ovozli xabar berib, ogohlantirib turadi. Ko‘zi ko‘rmaydigan bola quloq bilan buni eshitib, o‘z xavfsizligini ta’minlaydi.
Ma’lum qilinishicha, bunday ovozli svetoforlar respublikada faqatgina Samarqand hamda Buxoro viloyatlarida o‘rnatilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter