Bosh vazir o‘rinbosarlari va maslahatchilarining vazifalari belgilandi
Vazirlar Mahkamasi «birinchi rangdagi» mansabdor shaxslarining funksional vazifalari alohida nizomlar bilan tartibga solindi. Bu haqda «Norma» xabar bermoqda.
Eslatib o‘tamiz, yanvar oyining oxirida Hukumatda tarkibiy o‘zgarishlar ro‘y berdi, ular natijasida Bosh vazirning o‘rinbosarlari, shu jumladan birinchi o‘rinbosar, soni beshtagacha qisqartirilib, ikkita maslahatchi tayinlandi.
Keyinchalik bir oy davomida ularning funksional vazifalari belgilangan hamda Hukumat ayrim tarkibiy bo‘linmalarining faoliyatini tartibga soladigan yettita hujjat e’lon qilindi. Ular haqida batafsil – jadvalda:
|
Funksional vazifalari tartibga solingan mansabdor shaxs |
Faoliyati tartibga solingan tarkibiy bo‘linma |
Tartibga soluvchi hujjat |
|
Bosh vazirning o‘rinbosari – moliya vaziri |
Makroiqtisodiy tahlil, tarkibiy o‘zgartirishlar, moliya-bank tizimi va xususiy tadbirkorlik masalalari kotibiyati |
Vazirlar Mahkamasining 2019-yil 19-fevraldagi 144-son qarori |
|
Bosh vazirning ijtimoiy rivojlantirish masalalari bo‘yicha o‘rinbosari |
Ijtimoiy rivojlantirish masalalari kotibiyati |
Vazirlar Mahkamasining 2019-yil 22-fevraldagi 157-son qarori |
|
Bosh vazirning yoqilg‘i-energetika sohasi va sanoatning bazaviy tarmoqlarini rivojlantirish masalalari bo‘yicha maslahatchisi |
Yoqilg‘i-energetika sohasi va sanoatning bazaviy tarmoqlarini rivojlantirish masalalari kotibiyati |
Vazirlar Mahkamasining 2019-yil 23-fevraldagi 162-son qarori |
|
Bosh vazirning o‘rinbosari – O‘zbekiston Xotin-qizlar qo‘mitasi raisi |
Xotin-qizlar va oilani qo‘llab-quvvatlash, FHDYo organlari bilan ishlash masalalari kotibiyati |
Vazirlar Mahkamasining 2019-yil 27-fevraldagi 174-son qarori |
|
Bosh vazirning agrar va oziq-ovqat sohalarini rivojlantirish masalalari bo‘yicha maslahatchisi |
Agrar va oziq-ovqat sohalarini rivojlantirish masalalari kotibiyati |
Vazirlar Mahkamasining 2019-yil 27-fevraldagi 177-son qarori |
|
Bosh vazirning investitsiyalar va tashqi iqtisodiy aloqalar masalalari bo‘yicha o‘rinbosari |
Investitsiyalar va tashqi iqtisodiy aloqalar masalalari kotibiyati |
Vazirlar Mahkamasining 2019-yil 28-fevraldagi 179-son qarori |
|
Bosh vazirning birinchi o‘rinbosari – transport vaziri |
Hududlarni kompleks rivojlantirish, kommunikatsiyalar va mudofaa sanoati masalalari kotibiyati |
Vazirlar Mahkamasining 2019-yil 28-fevraldagi 180-son qarori |
Lavozimlar yuzasidan hujjatlarda faoliyatning asosiy yo‘nalishlari, vazifalar va funksional majburiyatlar, huquqlar va javobgarlik, faoliyatni tashkil etish ochib berilgan. Kotibiyatlar yuzasidan – ularning vazifalari va funksiyalari, faoliyat yo‘nalishlari, huquqlar va javobgarlik, tuzilmalar va tashkiliy jihatlar ochib berilgan.
Hujjatlar Qonun hujjatlari ma’lumotlari milliy bazasida e’lon qilingan va kuchga kirgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter