2021 yilning 20-21 dekabr kunlari Congress Hall binosida Toshkent yoshlar forumi – 2021 bo‘lib o‘tadi.

Forum tantanali boshlangan kuni yoshlar Adliya, Turizm va sport, Madaniyat, Oliy va o‘rta maxsus ta’lim va boshqa vazirliklar rahbarlari bilan ochiq muloqot o‘tkaziladi. Shu bilan birga Germaniya, Buyuk Britaniya, Yaponiya va AQSh kabi davlatlar elchilarining chiqishlari, yozuvchilar va san’atkorlar ishtirokida master-klass, «Abdulla Qodiriy» hujjatli-badiiy filmi namoyishi bo‘lib o‘tadi.

Keng qamrovli tadbirda yoshlar bevosita ishtirokchiga aylanishadi hamda vazirlik va idoralar rahbarlari, hukumat vakillari, olimlar, ekspertlar, san’at, madaniyat va sport namoyondalari, mediamakon vakillari uchrashadi. Bu yilgi dasturda yangi va yorqin shaxslar qatnashishi, dolzarb mavzularga bag‘ishlangan muloqotlar ochiq, do‘stona ruhda kechishi va’da qilinmoqda.

Forumning ertasi kuni yoshlarga internet texnologiyalar, sog‘liqni saqlash, moliyaviy savodxonlikni oshirish, biznes va boshqa yo‘nalishlarda takliflar berib, taqdimotlarini ko‘rsatish imkoniyati yaratiladi. Qolaversa, yoshlar o‘z savollarini Investitsiyalar va tashqi savdo vazirligi, Yoshlar ishlari agentligi,Sog‘liqni saqlash vazirligi hamda Davlat soliq qo‘mitasi rahbarlariga yo‘llashlari va javob olishlari mumkin.

Forum doirasida tashkilotchilar tomonidan xorijda ta’lim olish uchun grantlar ajratish dasturi ishga tushirilishi e’lon qilinishi kutilmoqda. Bu borada qiziqarli tanlovlar o‘tkaziladi hamda «Toshkent yoshlarni sevadi» oyligi doirasidagi tadbirlar g‘oliblarini taqdirlashadi.

Quyidagi Telegram-bot orqali ro‘yxatdan o‘tib, vazirlarga taklif va savollar yuborish mumkin: https://t.me/toshkent21bot