Forbes jurnali ma’lumotlariga ko‘ra, dunyoning eng boy odami bo‘lgan Jeff Bezos Amazon rahbari lavozimidan ketmoqda. Bunga sabab boshqa loyihalar va kosmosga chiqishi masalasidir. 

Jeff Bezos bugun, 5-iyul kuni o‘zi asos solgan Amazon kompaniyasining bosh direktorligi lavozimidan ketadi. Barcha boshqaruv Amazon Web Services yangi rahbari Endryu Jessiga topshiriladi. Biroq, Bezos boshqaruv kengashi raisi bo‘lib qolavedi.

U boshqa loyihalarga, shu jumladan o‘zi yaratgan Blue Origin aerokosmik kompaniyasiga ko‘proq vaqt ajratmoqchi ekanligini tushuntirgan. Kompaniya tomonidan ishlab chiqilgan New Shepard qayta ishlatiladigan kosmik kemasi o‘zining birinchi uchuvchisiz parvozini 20 iyul kuni boshlaydi, uning ishtirokchilaridan biri Bezos bo‘lishi haqida aytib o‘tilgan.

Amazon 1994-yil iyul oyida Sietlda onlayn kitob do‘koni sifatida tashkil etilgandi. O‘shandan beri u elektron tijorat bozoridagi eng yirik global ishtirokchilardan biriga aylandi. Jeff Bezos Forbesning dunyodagi eng boy odamlarning reytingida birinchi o‘rinni egallaydi. Nashr uning boyligini 201,8 milliard dollarga baholamoqda.