AQSh elchisi O‘zbek tili bayrami bilan o‘ziga xos tarzda tabrikladi (video)
AQShning O‘zbekistondagi favqulodda va muxtor elchisi Jonatan Henik 21 oktyabr – O‘zbek tili bayrami bilan o‘zbekistonliklarni o‘ziga xos tarzda tabrikladi.
AQSh elchixonasi tomonidan tarqatilgan videolavhada Jonatan Henik hamkasblari bilan birgalikda o‘zbekcha gapirib bozorlik qilayotgani, sotuvchilar bilan obdon savdolashayotganini ko‘rish mumkin.
«AQSh elchixonasi nomidan barchangizni O‘zbek tili bayrami bilan tabriklayman. O‘zbek tilida ko‘proq gapiring, o‘zbek tilini o‘rganing!» – deyiladi videolavha yakunida.
Elchi J.Henik o‘tgan yili 9 fevral – Alisher Navoiy tavalludi kuni munosabati bilan ham o‘zbek tilida qutlov yo‘llagan, ulug‘ shoirning g‘azallaridan parcha o‘qib bergan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter