Paxta-to‘qimachilik klasterlari moliyaviy sog‘lomlashtiriladi
![Paxta-to‘qimachilik klasterlari moliyaviy sog‘lomlashtiriladi](https://static.xabaruz.com/crop/2/3/720_460_95_2384390293.jpg)
Paxta-to‘qimachilik klasterlari moliyaviy sog‘lomlashtiriladi.
Prezident farmoni bilan paxta-to‘qimachilik klasterlarini moliyaviy sog‘lomlashtirishga qaratilgan quyidagi choralar belgilandi:
Qishloq xo‘jaligini davlat tomonidan qo‘llab-quvvatlash jamg‘armasi kredit resurslari hisobidan 2023-yilgi paxta xomashyosini yetishtirish xarajatlari uchun tijorat banklari tomonidan ajratilgan imtiyozli kreditlarni 2024-yil 1-dekabrgacha to‘liq qaytargan klasterlarga ushbu kredit bo‘yicha foiz to‘lovlari (bank marjasidan tashqari) 2025-yil 1-yanvarga qadar Jamg‘arma hisobidan qaytarib beriladi;
2023-yilgi paxta xomashyosini yetishtirish xarajatlari uchun klasterlarga ajratilgan imtiyozli kreditlarning, mos ravishda Jamg‘armaning tijorat banklariga ajratgan kredit resurslarining qoldig‘ini qaytarish muddati tijorat banklarining ijobiy xulosasi asosida 2025-yil 1-aprelgacha uzaytiriladi.
2024-yil 1-avgustdan Jamg‘arma kredit resurslari hisobidan tijorat banklari tomonidan ajratiladigan kreditlar bo‘yicha klasterlar ta’sischilarining shaxsiy kafilligi qo‘shimcha ravishda rasmiylashtiriladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter