Prezidentlikka nomzod Shavkat Mirziyoyev ayni vaqtda Surxondaryo viloyatida bo‘lib turibdi. Davlat rahbari saylovchilar bilan uchrashuv vaqtida viloyatda tabiiy boyliklarni o‘zlashtirish bo‘yicha amalga oshiriladigan loyihalar haqida ma’lumot berildi.

Unga ko‘ra:

- Viloyatning har bir tumanida «Loyiha guruhi» tashkil qilinadi va kichik geologiya ekspeditsiyasi faoliyati yo‘lga qo‘yiladi.

- Sariosiyo tumanining qo‘rg‘oshin, rux, ko‘mir, noruda qazilmalarga, Uzun tumanining misga, Boysun, Termiz, Sho‘rchi, Jarqo‘rg‘on va Qumqo‘rg‘on tumanlarining neft va gazga, Sherobodning temir rudasi va ko‘mirga boy bo‘lgan istiqbolli maydonlarida geologiya-qidiruv ishlari olib boriladi.

- «Loyiha guruhi» tomonidan tumanning yer osti va yer usti imkoniyatlari tahlil qilinib, har bir tuman kesimida investitsiya va eksport Strategiyasi ishlab chiqiladi.

- Jarqo‘rg‘on tumanida rossiyalik hamkorlar bilan 150 million dollarlik xorijiy investitsiyalar hisobiga mavjud konlarda neft qazib olish hajmi 5 barobar ko‘paytirilib, 250 ming tonnaga yetkaziladi.