Vayner Farhod Mannopovning o‘limi yuzasidan jinoyat ishi qo‘zg‘atildi
Chilonzor tumani prokuraturasi tomonidan Farhod Mannopovning vafot etganligi yuzasidan tekshirish o‘tkazilgan.
Qayd etilishicha, holatga aloqador shaxslarni batafsil so‘roq qilish, qo‘p vaqt talab qilinadigan murakkab ekspertizalar tayinlash va boshqa bir qator tergov harakatlarini o‘tkazmasdan qonuniy to‘xtamga kelish imkoni yo‘qligi sababli Jinoyat kodeksining 116-moddasi (Kasb yuzasidan o‘z vazifalarini lozim darajada bajarmaslik) 4-qismi «a» bandi bilan jinoyat ishi qo‘zg‘atilgan.
Tergov o‘tkazish yo‘li bilan qonuniy qaror qabul qilinishi ta’minlanadi, deyiladi Bosh prokuraturaning navbatdagi xabarida.
Avvalroq F.Mannapovning vafot etganligi holati yuzasidan jinoyat ishi qo‘zg‘atilganligi, ish doirasida shifokorlar ushlangani yoki qamoqqa olinganligi haqida tarqalayotgan xabarlar inkor qilingandi.
Eslatib o‘tamiz, Farhod Mannopov tibbiy operatsiyadan keyin koma holatiga tushib vafot etgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter