Qidiruvdagi shaxs ushlandi
2021-yil 24-may kuni Toshkent viloyati Toshkent tumani hududi bo‘ylab jamoat tartibini saqlash maqsadida PPXga jalb qilingan Milliy gvardiya va ichki ishlar xodimlari tomonidan xizmat yo‘nalishida ketayotib o‘zining shubhali harakatlari bilan e’tiborga tushgan shaxs to‘xtatilgan.
Bo‘lib o‘tgan suhbat mobaynida xodimlar tomonidan berilgan savollarga aniq javob bera olmasdan o‘zida yanayam shubha uyg‘otgan ushbu shaxs Toshkent tumani IIBga olib borilgan.
Olib borilgan dastlabki surishtiruv davomida mazkur shaxs 1986-yilda tug‘ilgan Toshkent viloyati Toshkent tumanida yashovchi fuqaro Ya. M. ekanligi va muqaddam 4 yil oldin Toshkent viloyati DXX tomonidan O‘zbekiston Respublikasi JKning 1552-moddasi 1-qismi, 2442-moddasi 1-qismida ko‘rsatilgan jinoyatni sodir etganligi sababli qidiruvga e’lon qilinganligi ma’lum bo‘lgan.
Hozirda holat yuzasidan Toshkent tumani IIB tomonidan surishtiruv ishlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter