Xabaringiz bor, 2019-yilning dastlabki kunlaridan ijtimoiy tarmoqlar, radio va televideniye orqali «STRAUS HOUSE» nomi bilan mashhur bo‘lgan mas’uliyati cheklangan jamiyat shaklidagi korxona tomonidan tuyaqush jo‘jalarini yetishtirish bilan bog‘liq reklamalar avj olgandi.

Biroq, keyinchalik jamiyat mansabdor shaxslari aholiga tuyaqush jo‘jalarini yetkazib bermasdan firibgarlik yo‘lini tutgani bois jinoyat ishi qo‘zg‘atilganligi ma’lum bo‘lgandi.

Ko‘p o‘tmay sud jarayoni boshlandi va jinoyat ishlari bo‘yicha Mirobod tuman sudi tomonidan  «Straus House» MChJ ta’sischisi I. Isroilov, direktor A. Maxmutaliyev direktor o‘rinbosari D. Qutpiddinov bosh hisobchi  O. Saidovga nisbatan hukm o‘qildi.

Mazkur hukm qonuniy kuchga kirgan ko‘rinadi. Negaki, «STRAUS HOUSE» MChJ mansabdor shaxslari va boshqalarning harakatlari oqibatida, jabrlanuvchi deb e’tirof etilgan 347 nafar fuqarolarga 7 mlrd. 100 mln. so‘mdan ortiq moddiy zararlarni undirib berilishi yuzasidan Majburiy ijro byurosiga (MIB) tegishli ijro hujjatlari kelib tushgan.  Bu haqda «Xabar.uz»ga MIB markaziy apparati matbuot xizmati ma’lum qilmoqda.

Qayd etilishicha, jabr ko‘rgan fuqarolarga zararni undirish bo‘yicha kelib tushgan ijro hujjatlariga asosan moddiy zararlarni jabrlanganlarning hisob-raqamlariga o‘tkazishda maqsadida, Majburiy ijro byurosi tomonidan hududlarda ishchi guruhlar tashkil etildi.

Jabr ko‘rgan fuqarolarning aksariyati viloyatlarda istiqomat qilishlari inobatga olib, ularga yanada qulaylik yaratish va ortiqcha ovoragarchiliklarning oldini olish maqsadida, quyidagi manzillarga shaxsini tasdiqlovchi hujjatlar (fuqarolik pasporti) hamda plastik kartochkalari bilan 21.09.2020 yildan boshlab (MIB hududiy boshqarmalarga soat 09-00 dan 18-00 ga qadar) murojaat qilishlari so‘raladi.

Majburiy ijro byurosining hududiy boshqarmalariga
murojaat etish bo‘yicha
M A ’ L U M O T