Yonib ketgan mashina haqida ma’lumot berildi (foto)
Ijtimoiy tarmoqlarda Toshkent shahri Chilonzor tumanidagi «Qozirabod» chorrahasida avtomobil yonib ketgani to‘g‘risida xabarlar tarqalgandi.
O‘zbekiston Respublikasi Ichki Ishlar Vazirligining Yo‘l Harakati Xavfsizligi Bosh Boshqarmasi tarqalgan video lavha yuzasidan ma’lumot berdi.
Joriy yilning 15-avgust kuni soat 16:40 larda Toshkent shahri Chilonzor tumani Chilonzor-KXAY chorrahasi yaqinida fuqaro I.K.ga tegishli «Mazda» rusumli transport vositasida yong‘in yuzaga kelgan.
Ta’kidlanishicha, o‘t o‘chiruvchilar yong‘inni bartaraf etishgan. Hodisa natijasida tan jarohati olganlar yo‘q.
Toshkent shahri Chilonzor tumani FVB hamda YHXB tomonidan surishtiruv ishlari olib borilib, yong‘in sabablariga aniqlik kiritilmoqda.
Haydovchilardan transport vositasining texnik sozligiga e’tiborli bo‘lishlari so‘raladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter