Yashnobodda 4 qavatli mebel ishlab chiqarish binosi yondi
Bugun, 11-mart kuni soat 13:07da Toshkent shahar Yashnobod tumani, Ohangaron ko‘chasi «Mebel-konfurmus» MChJ hududidagi «Velvut» MChJga qarashli 4 qavatli mebel ishlab chiqarish binosida yong‘in sodir bo‘lgan. Buning oqibatida, taxminan 250 kv.m. maydon yongan. Bu haqda FVV xabar bermoqda.
Mazkur hodisani bartaraf etish maqsadida, Toshkent shahar favqulodda vaziyatlar boshqarmasining 6 ta yong‘in o‘chirish ekipaji jalb etilgan. Yong‘in-qutqaruv guruhlari soat 13:11 da voqea joyiga yetib borgan. Qutqaruvchilarning olib borgan tezkor harakatlari natijasida soat 13:57da alanga to‘liq o‘chirilgan. Mazkur vaziyatda jabrlangan va halok bo‘lgan insonlar aniqlanmagan.
Ayni damda yong‘in sababi va zarari aniqlanmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter