Urganch shahrida avtobus yo‘lovchilari halok bo‘ldi
Bugun, 2022-yil 12-may kuni soat 14:30larda Xorazm viloyati, Urganch shahri, Al-Xorazmiy-Sheroziy-G‘.G‘ulom ko‘chalari kesishgan chorrahada YTH sodir bo‘ldi.
Haydovchi, 1949-yilda tug‘ilgan A.A. boshqaruvidagi Lada-2194 rusumli hamda haydovchi, 1986-yilda tug‘ilgan A.M. boshqaruvida bo‘lgan Isuzu rusumli avtobus ishtirokida to‘qnashuv sodir bo‘lgan.
Natijada, avtobus yo‘lovchilari, 1961-yilda tug‘ilgan M.M. hamda 2000-yilda tug‘ilgan M.O‘.lar tan jarohati bilan voqea joyida vafot etgan. Shuningdek, Lada-2194 rusumli avtomobil haydovchisi olgan tan jarohati bilan shifoxonaga yotqizilgan.
Mazkur YTH yuzasidan Urganch shahar IIO FMB huzuridagi TB tomonidan tergovga qadar surishtiruv ishlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter