Qarshida YPX avtomashinasi yondi
Ijtimoiy tarmoqlarda Qarshi shahrida YPX avtomashinasi yonayotgani holati aks etgan video tarqaldi.
IIV YHXBB axborot xizmati xabar berishicha, joriy yilning 18-dekabr kuni soat 16:50larda, Qashqadaryo viloyati, Qarshi shahar, Mustaqillik ko‘chasida joylashgan viloyat hokimligi binosining ro‘parasida viloyat IIB YHXB YPX xodimi M.Oymurodov boshqaruvidagi «Lasetti» rusumli maxsus xizmat avtomobilining dvigatel qismida yong‘in yuzaga kelgan.
Yong‘in natijasida tan jarohati olganlar yo‘q. Hodisadan transport vositasining dvigatel va kapot qismi zararlangan.
Mazkur hodisa yuzasidan Qarshi shahar IIB YHXB va FVB tomonidan surishtiruv ishlari olib borilib, yong‘in yuzaga kelish sabablariga aniqlik kiritilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter