Jizzaxda metan gaz quyish shoxobchasida «jiguli» portladi
Bugun, 23-iyun kuni soat 15:00 larda Jizzax viloyati Sharof Rashidov tumani «Sovungarlik» MFY hududida joylashgan avtomobillarni gaz bilan to‘ldirish kompressor stansiyasida VAZ-2106 rusumli avtomobilga yoqilg‘i to‘ldirish jarayonida portlash sodir bo‘lgan.
Hodisa oqibatida hech kim jabrlanmagan, boshqa transport vositalariga zarar yetmagan.
Portlash natijasida yong‘in kelib chiqmagan, yong‘in-qutqaruv bo‘linmalari hodisa joyiga chiqarilmagan.
Dastlabki surishtiruv natijalariga ko‘ra, VAZ-2106 transport vositasidagi nosozlik baxtsiz hodisaga sabab bo‘lgan.
Hozirda surishtiruv ishlari davom etmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter