Jizzaxda «Epica» yonib ketdi
Joriy yilning 9-dekabr kuni soat 05:50larda, Jizzax viloyati, Sh.Rashidov tumani hududidan o‘tgan M39 avtomobil yo‘lining 985-kilometrida yo‘l-transport hodisasi sodir bo‘ldi. Bu haqda IIV YHXBB axborot xizmati xabar bermoqda.
Haydovchi, 1993-yilda tug‘ilgan R.K. «Epica» rusumli avtomobilda «Samarqand-Toshkent» yo‘nalishida harakatlanib ketayotgan vaqtida boshqaruvni yo‘qotib, yo‘l chetidagi daraxtga borib urilishi oqibatida avtomobilda yong‘in yuzaga kelgan.
Yong‘in o‘t o‘chiruvchilar tomonidan bartaraf etilgan. Ammo avtomobil yong‘indan to‘liq zararlangan.
Hodisa natijasida vafot etgan yoki tan jarohati olganlar yo‘q.
Mazkur hodisa yuzasidan tuman IIB YHXB va FVB xodimlari tomonidan surishtiruv ishlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter