Chiroqchida fuqarolar va IIB xodimlari mushtlashdimi? Rasmiy izoh berildi
Ijtimoiy tarmoqlarda Chiroqchidagi fermer xo‘jaligida IIB xodimlari ishtirokida janjal yuz bergani videosi tarqaldi.
Aniqlanishicha, 2022-yil 31-mart kuni Chiroqchi tumani Oq oltin MFYda joylashgan «Shomurod ota» fermer xo‘jaligi rahbari A.D. o‘ziga tegishli bo‘lgan 20 gektar yer maydonini shudgor qilmoqchi bo‘lganida bir nechta fuqarolar tomonidan qarshilik ko‘rsatilgan.
Natijada fermer ichki ishlar organlariga holat bo‘yicha xabar bergach, IIB xodimlari voqea joyiga yetib kelib, jamoat tartibini saqlab, ko‘ngilsiz holatlarning oldini olgan, deyiladi Qashqadaryo viloyati IIB xabarida.
Holat yuzasidan qarshilik ko‘rsatgan fuqarolarga qonunda belgilangan tartibda chora ko‘rish uchun Chiroqchi tumani IIB tomonidan surishtiruv harakatlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter