Tarixdagi so‘nggi «Lacetti» zavoddan chiqdi
![Tarixdagi so‘nggi «Lacetti» zavoddan chiqdi](https://static.xabaruz.com/crop/2/4/720_460_95_2460955936.jpg)
Asakadagi avtomobil zavodida eng oxirgi «Chevrolet Lacetti» rusumli avtomashina ishlab chiqarildi. Bu haqda «UzAuto Motors» AJ axborot xizmati ma’lum qildi.
Qayd etilishicha, mazkur avtomobil endilikda korxona tarixidagi so‘nggi «Lacetti» («Gentra») sifatida yodda qoladi. Manbaga ko‘ra, zavodda shu kunga qadar jami 487 ming 104 ta shunday avtomobil ishlab chiqarilgan.
«Chevrolet Lacetti» ishlab chiqarish 2013 yilda boshlangan. Dastlab yiliga 11 mingdan ortiq avtomobil ishlab chiqarilgan bo‘lsa, 2023 yilda bu ko‘rsatkich qariyb 90 mingga yetgan edi.
Zavod ushbu avtomobilni ishlab chiqarishni 2024 yil yanvar oyidan to‘xtatishni rejalashtirgan edi. Biroq, komplektatsiya va ehtiyot qismlar mavjudligi bois ishlab chiqarish jarayoni yana bir necha oy davom etdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter