Poytaxtimiz Toshkentda bo‘lib o‘tayotgan «InnoWeek» innovatsion ko‘rgazmasi doirasida «Spark» elektromobilining ikkita prototipi namoyish etildi. Bu haqda «Spot» xabar berdi.

«Spark» elektromobillaridan biri Turin politexnika universitetining Innovatsiya markazida «Olcha.uz» kompaniyasi bilan hamkorlikda ishlab chiqilgan.

Avtomobil HHO vodorod tizimi, uch fazali HPEVS AC-50, 50 kVt, 96 V motoriga ega. 30 dona CALB CA100, 100 A*s, 9.6 kVt*s batareyasi bor. Maksimal tezligi — 150 km/s. Quvvat zaxirasi — 80−100 km. Quvvatlash muddati — 4 soat (220 V), 1 soat (tezkor quvvatlanish).

Avtomobil vazifalari gidroliz qurilmalari orqali amalga oshiriladi. Harakatlanish vaqtida toza havodan vodorod ajratadi, xususan, vodorod generatori vodorod va kislorodni ajratadi.

Ishlab chiquvchi mutaxassislarning aytishicha, loyihaga taxminan 200 million so‘m sarflangan. Barcha sarf-xarajatlar «Olcha.uz» kompaniyasi hisobidan.

Turin politexnika universiteti yoshlar bilan ishlash bo‘yicha prorektori Alisher Ashurov «Spot» muxbiriga ma’lum qilishicha, elektromobilni o‘z kuchi bilan yaratishgan, ehtiyot qismlarning 40 foizi o‘zlari tomonidan yig‘ilgan, yana 60 foizini (mamlakatda ishlab chiqarilmaydiganlarini) xorijdan sotib olishgan.

«U (elektr avtomobil) to‘liq ishlaydi. Tayyor va yurmoqda. Hozirda u test rejimida, keyinchalik avtosanoat ommaviy ishlab chiqarish uchun ishlatilishi mumkin bo‘lgan haqiqiy prototip yaratish uchun pul ajratishga va’da berdi», — dedi Ashurov.

Uning so‘zlariga ko‘ra, ishlab chiqish vazifasi muvaffaqiyatli yakunlandi. Endilikda bu mutaxassislar va sanoat ekspertlari vazifasi.

«Biz o‘z oldimizga qo‘yilgan vazifani uddaladik, avtosanoat ma’qullashini kutyapmiz. Biz o‘zimizning sharoitimizda elektr avtomobilni deyarli qo‘l ostidagi vositalardan yig‘ish mumkinligini bildirdik, avtosanoat esa o‘z resurslari bilan yanada ko‘proq narsani amalga oshirishi mumkin», — dedi Ashurov.

Ikkinchi prototip Urganch Davlat universitetida «St-Energy» kompaniyasi ishtirokida ishlab chiqilgan.

Ishlab chiquvchilar bu g‘oyaga 2013-yilda kelishganini qayd etishdi. 2016-yilda ular gibridlarning birinchi versiyasini ishlab chiqarishni boshlaganlar va shu yilning avgust oyida elektr avtomobil to‘liq tayyor bo‘lgan.

Dvigatel kuchi 15 kVt, gel batareyasi 100A, mashina zaryadlash vaqti — 4−5 soat. Umumiy kuchlanish 14 kt kuchga ega 130 V ni tashkil qiladi. Elektr avtomobilining tezligi 90−100 km/soat. Haydash masofasi — 100 km.gacha. Batareyalarni zaryad qilish uchun elektr quvvati — 10−15 kVt / s.

Har ikkala elektromobil harakatlanadi. Urganchliklarning prototipi , shu jumladan, quyosh batareyalari bilan ishlamoqda.