Rulda video tomosha qilgan avtobus haydovchisi «haqi»ni oldi
Ijtimoiy tarmoqlarda «8-avtobus saroyi» MChJga biriktirilgan 97A-sonli yo‘nalishdagi «Isuzu» rusumli avtobus haydovchisi K.T. boshqaruv vaqtida videorolik tomosha qilib ketayotganligi aks etgan foto tarqaldi va bu keng jamoatchilik e’tirozlariga sabab bo‘ldi.
Mazkur foto Toshkent shahar IIBB YHXB xodimlari tomonidan o‘rganildi hamda ushbu haydovchi aniqlanib, unga nisbatan tegishli tartibda ma’muriy bayonnoma rasmiylashtirildi. Shuningdek haydovchiga avtosaroyning tegishli buyrug‘iga asosan intizomiy jazo chorasi ko‘rildi.
«Barcha haydovchilardan boshqaruv vaqtida telefondan foydalanmasliklarini so‘raymiz», deyiladi Yo‘l harakati xavfsizligi Bosh boshqarmasi xabarida.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter