Statagentlik o‘tgan 2023-yilda O‘zbekistonda ishlab chiqarilgan ungil turdagi avtomashinalar haqida raqamlarni ma’lum qildi.

Unga ko‘ra, avtomobil ishlab chiqarish sanoatida 2023 yilning yanvar-dekabr oylarida:

• 118 093 dona «Cobalt» (o‘tgan yilning mos davriga nisbatan 16,2 foizga oshgan);
• 82 133 dona «Gentra» (5,7 foizga kamaydi);
• 546 dona «Spark» (96,2 foizga kamaydi);
• 89 154 dona «Damas» (23,4 foizga oshdi);
• 48 082 dona «Tracker» (5,3 martaga oshdi);
• 30 596 dona «Onix»;
• 25 586 dona maxsus yengil avtomobillar (22,2 foizga oshdi).

Shuningdek, Statistika agentligi bir necha turdagi xorij avtomobillarini ham «O‘zbekiston Respublikasida yirik korxonalar tomonidan yengil avtomobillar ishlab chiqarish» guruhiga qo‘shib sanamoqda.

Jumladan:

• 9 829 dona «Chery» (23,3 martaga oshdi);
• 15 036 dona «KIA» (2,5 martaga oshdi);
• 91 dona «Exeed»;
• 134 dona «Haval».

Iqtisodchi Otabek Bakirov, o‘z navbatida, yuqorida sanalgan brendlarga tegishli avtomobillar import qilinib yoki SKD tipida yig‘ilib sotilishini, ular qaysi metodologiya bo‘yicha milliy statistikaga qo‘shilayotganini savol ostiga olmoqda.