Nega Dubay politsiyasi Lamborghini o‘rniga Xitoyning «Qizil bayroq»lariga o‘tyapti? (video)
Birlashgan Arab Amirliklari politsiyasi xizmat mashinalarini (ular faqat sportkarlardan foydalanishadi) Xitoyda chiqarilgan avtomobillarga almashtirishni boshladi.
Dubay politsiyasiga keltirilgan elektr motorli Hongqi E-HS9 krossoveri birinchi xitoylik bo‘ldi. Hongqi — xitoychadan tarjima qilinganda «Qizil bayroq» ma’nosini beradi.
U 2011-yilda chiqarilgan (BAA mezonlari bo‘yicha eskirgan) Lamborghini Aventador LP700-4 o‘rnini egallaydi.
Italiyaliklar va xitoyliklar avtomobilidagi yagona o‘xshash jihat bu — juda obro‘li sanaluvchi 8 davlat raqami.
Hongqi E-HS9 elektromobillari yordamida dubaylik politsiyachilar «yo‘llarda xavfsizlikni ta’minlash bo‘yicha strategik maqsad»ni uddalashmoqchi.
«Dubay politsiyasi o‘z avtoparkini doim eng samarali va yangi transport vositalari bilan ta’minlashga intilib kelgan», — ta’kidladi general-mayor Xalil al-Mansuriy.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter