Буюк Британияда радиотўлқинли янги қурол синовдан ўтди
Буюк Британия мудофаа вазирлиги радиотўлқинли янги қурол синовдан муваффақиятли ўтгани ҳақида баёнот берди.
Янги қурол дронларга қарши ишлаб чиқилган. Ҳукумат сайтида эълон қилинган хабарда айтилишича, урушлар қиёфасини ўзгартираётган учувчисиз бошқариладиган қурилмалар ҳужум қилганида радиотўлқинли қурол ишончли қалқон бўла олади.
Очиқланган ҳужжатга кўра, ушбу қурол тизимининг намойиш модели йўналтирилган энергияли радиочастота қуроли (RF DEW) бўлиб, бир пайтда бир нечта нишонни «деярли лаҳзаларда» йўқ қилиш қобилиятини кўрсатди.
Лойиҳа тадқиқотларига 40 млн фунт стерлингдан кўпроқ маблағ сарфланган. Намойиш модели Thales (Франция) мудофаа компаниясининг британ шўъбаси бошчилигида саноат консорциуми томонидан ишлаб чиқилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter