Юртдошларимиз орасида катта қизиқиш уйғотган #уйдақол #ҳаётгақўшил #sportchallenge челленжининг иккинчи фасли ҳам қизғин давом этмоқда. Бугун ушбу танловнинг иккинчи фасл 1-турига якун ясалди.

28 апрелдан 3 майгача давом этган челленжнинг 1-турига юртдошларимиз томонидан мингга яқин видеоматериал келиб тушди. Ҳакамлар ҳайъати қарорига кўра, танловда бу сафар ғолиблар қуйидагича кўриниш олди.

1-ўрин: Тошкент шаҳри Сергели туманида истиқомат қилувчи Узакбергеновлар оиласи;
2-ўрин: Тошкент шаҳри Миробод туманида яшовчи Ҳотамқуловлар оиласи;
3-ўринга бирйўла иккита видеоролик лойиқ кўрилди. Булар - Ўзбекистон паралимпия терма жамоаси аъзоси, қашқадарёлик Убайдулло Имомқулов ҳамда челленжда ўзига хос ёндашув билан қатнашган Наманган шаҳар 1-сонли болалар ва ўсмирлар спорт мактаби жамоаси.

Азиз юртдошлар, #уйдақол #ҳаётгақўшил #sportchallenge челленжининг иккинчи фасли якун топишига саноқли кунлар қолди. Шундай экан, танловда иштирок этишга шошилинг. Ахир карантинда совға олиш нақадар ёқимли.

Жисмоний тарбия ва спорт вазирлиги Матбуот хизмати