Тадич Мессининг рекордини янгилади
Амстердамнинг «Аякс» клуби ҳужумчиси Душан Тадич бир календарь йилида амалга оширилган голли узатмалар сони бўйича «ПСЖ» футболчиси Лионел Мессидан ўзиб кетди.
Нидерландия чемпионатининг 16-турида «Алкмар»га қарши ўтказилган ўйинда серб футболчиси ўз ҳисобига 37-голли пасни ёзиб қўйди.
Шу тариқа у аргентиналик юлдуз 2011 йилда ўрнатган рекордни янгилади. Ўшанда «Барселона»да тўп сурган Месси ўз жамоадошларини 36 марта голли узатма билан таъминлаганди.
Эслатиб ўтамиз, Душан Тадич 2018 йилда «Аякс» сафига ўтган. 33 ёшли футболчининг жамоа билан шартномаси 2024 йилгача тузилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter