Санжар Турсунов профессионал боксдаги дебют жангида мексикалик рақибини нокаут қилди
Ҳаваскор боксда жаҳон чемпионати совриндори бўлган Санжар Турсунов бугун АҚШда профессионал боксдаги дебют жангини ўтказди. Бу ҳақда Миллий олимпия қўмитаси хабар берди.
Калифорния штатидаги «Fantasy Springs Casino» аренасида ўтказилган жангда ҳамюртимизга мексикалик Мегель Кубос рақиблик қилди. Санжар Турсунов жангни фаол бошлади ва иккинчи раунддаёқ рақибини нокаутга учратди. Шу тариқа, 20 ёшли боксчимиз профессионал рингдаги фаолиятини ғалаба билан бошлади.
Маълумот учун, Кубос шу кунгача профессонал боксда 31 та жанг ўтказган ва уларнинг 11 тасида ғалаба қозонган (8 таси нокаут билан). 20та жангда эса мағлубиятга учраган (9 та жангда нокаутга учраган).
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter