Қозоғистондаги ярим марафонда икки қатнашчи вафот этди
Кеча, 20 апрел куни Олмаотада ўтказилган ярим марафон (Almaty Half Marathon, 21,1 км)нинг икки қатнашчиси вафот этди. Бу ҳақда мусобақа ташкилотчилари томонидан хабар берилди.
Биринчи бўлиб 84 ёшли Аккоян Рсалиев вафот этган. Биринчи километрдаёқ отахоннинг аҳволи оғирлашиб, йиқилган. Бир дақиқада етиб келган тез ёрдам ходимлари унинг юраги уришдан тўхтаганини қайд этишди. «Дастлабки ташхис: ўпка артерияси тромбоэмболияси. Унда сурункали артериал гипертензия бўлган», — деди тиббиёт ходимларидан бири.
21 ёшли Нурбол Аҳмади 16-километрда ҳушидан кетди. Шифокорлар етиб келганида унинг ҳам юраги тўхтаганди, жонлантиришга уринишлар натижа бермади. Унга қўйилган дастлабки ташхис ҳам Рсалиевники билан бир хил.
Ўлимларнинг аниқ сабаби суд-тиббиёт экспертизасидан сўнг маълум бўлиши ва марҳумларнинг оила аъзолари бундан хабардор қилиниши айтилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter