Бу оқшом Европа чемпионлар лигаси 1/4 финалининг дастлабки ўйинлари якунланди. «Барселона» «Пари Сен-Жермен» меҳмони бўлган бўлса, «Атлетико Мадрид» дортмундликларни қабул қилди. Ҳар икки ўйин ҳам, кутилганидек, қизғин курашларга бой бўлди.

«Барселона» Парижда камбэкка камбэк билан жавоб бериб, Каталонияга яхши кайфиятда қайтди. Биринчи таймда Рафиня «Барса»ни ҳисобда олдинга олиб чиқди, иккинчи тайм бошланиши билан собиқ барселоначи Дембеле ҳамда Витиня кетма-кет голлар киритиб, парижликларнинг кайфиятини кўтариб юборишди. Аммо аста-секин меҳмонлар ўйин тизгинини қўлга ола бошлашди ва Рафинянинг дубли билан жавоб қайтаришди. Кейин эса туғилган куни захирадан майдонга тушган Кристенсен ўзи ва жамоасига ажойиб совғани тортиқ қилиб, ғалаба голини киритди.

«Атлетико»нинг ғалабасига эса Де Паул ва Лино биринчи таймда киритган голлар етарли бўлди. Ўйиннинг сўнгги ўн дақиқалиги бошланганида Аллер орадаги фарқни қисқартирди — бу гол жавоб ўйинида «Боруссия Д» учун олтинга тенг ҳам бўлиши мумкин.

Жавоб ўйинлари 16 апрелга белгиланган.

ЕЧЛ. 1/4 финал. 10 апрел

Биринчи ўйинлар

ПСЖ — Барселона 2:3

Голлар: Дембеле (48), Витиня (51) — Рафиня (37, 62), Кристенсен (77).

ПСЖ: Доннарумма, Маркинос, Эрнандес, Лукас Бералдо, Мендеш, Фабиан Руис (Гонсалу Рамуш, 85), Витиня, Ли Кан Ин (Заир-Эмери, 61), Дембеле, Асенсио (Барколя, 46), Мбаппе.

Барселона: тер Стеген, Кунде, Араухо, Кубарси, Жоау Канселу, Серхио Роберто (Педри, 61), Гундўған (Лопес, 86), де Йонг (Кристенсен, 76), Рафиня (Ферран Торрес, 76), Ямал (Жоау Феликс, 61), Левандовски.

Огоҳлантиришлар: Роберто (34), Витиня (65), Кубарси (82), Кристенсен (88), Лопес (89), Бералдо (89).

Атлетико — Боруссия Д 2:1

Голлар: Де Паул (4), Лино (32) — Аллер (81).

Атлетико: Облак, Молина, Аспиликуэта, Хименес, Витцел, Саул, Коке, Де Паул (Корреа, 80), Лоренте, Гризманн, Мората (Барриос, 64), Лино.

Боруссия Д: Кобел, Рюэрсон, Ҳуммелс, Шлоттербек, Матсен, Забитцер (Ройс, 84), Жан (Ўзжан, 84), Нмеча (Брандт, 46), Санчо, Адейеми (Байно-Гиттенс, 73), Фюллкруг (Аллер, 60).

Огоҳлантиришлар: Жан (24), Лино (27), Лоренте (28), Матсен (53), Хименес (75).

Европа чемпионлар лигаси 1/4 финалининг 9 апрел куни бўлиб ўтган ўйинларида жанговар дуранглар қайд этилганди:

• Реал Мадрид — Манчестер Сити 3:3;
• Арсенал — Бавария 2:2