Бутун республика бўйлаб 250 мингдан ортиқ ўғил-қизларни бирлаштирган, «Соғлом ёшлар – Янги Ўзбекистон келажаги» шиори остида ўтказилган футбол ва мини-футбол бўйича Давлат хавфсизлик хизмати кубогининг республика босқичи якунига етди.

Унда ўғил болалар ўртасида мини-футбол бўйича:

1-ўрин. «Қамаши» /Қашқадарё вилояти

2-ўрин. «Янги ҳаёт» /Тошкент вилояти

3-ўрин. «Бахрин» /Фарғона вилояти

Қиз болалар ўртасида мини-футбол бўйича:

1-ўрин. «Нафис» Самарқанд вилояти

2-ўрин. «Тўмарис» /Хоразм вилояти

3-ўрин. «Гуркиров лочинлари» /Андижон вилояти

Ўғил болалар ўртасида катта футбол бўйича финал ўйини «Жар» стадионида ўтказилди. Муросасиз ва қизғин кечган финал оқшомида жиззахликларга тенг келадиган жамоа топилмади. Якуний ҳисоб 2:0.

1-ўрин. «Турон» /Жиззах вилояти

2-ўрин. «Навбаҳор» /Тошкент вилояти

3-ўрин. «Янги ҳаёт» /Қашқадарё вилояти

Республика босқичида ўғил болалар ўртасида футбол ва мини-футбол бўйича ғолиб бўлган жамоалар маҳалласига мини-футбол майдони, 2-ўринни эгаллаган жамоалар учун универсал спорт майдони (баскетбол ва волейбол ўйинлари учун мўлжалланган), 3-ўринни эгаллаган жамоалар маҳалласига «Стритбол»  (бир саватли кўча баскетболи) спорт майдони қуриб берилади.

Қизлар мусобақасида ғолиб ва совриндор бўлган жамоалар пул мукофоти билан тақдирланди.

Бундан ташқари барча ғолиб ва совриндор иштирокчиларга диплом, медаль, велосипед ва телевизор топширилди.