Бразилиялик машҳур юлдуз шошилинч шифохонага ётқизилди
Бразилиялик собиқ футболчи Ромарио ичак инфекцияси сабаб Рио-де-Жанейродаги шифохонага шошилинч равишда ётқизилди. Бу ҳақда Mundo Deportivo нашри хабар бермоқда.
57 ёшли собиқ юлдуз 13 июл куни қаттиқ оғриқ ва ошқозондаги оғриқдан шикоят қилиб, тиббий муассасага ётқизилган.
Aйни дамда Ромарионинг аҳволи барқарор. Шифокорлар 1994 йилги жаҳон чемпионининг қачон шифохонадан чиқишини айтмаяпти.
2021 йилда бразилиялик ўт пуфагини олиб ташлаш учун шошилинч операция қилинганди.
Ромарио ўз вақтида «ПСВ», Каталониянинг «Барселона» ва «Валенсия» клубларида ўйнагани билан танилган. Футболчилик фаолиятини якунлагач, бразилиялик сиёсатга кирди.
Ромарио ҳозирда Рио-де-Жанейро штатидан сайланган федерал сенатор ҳисобланади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter