Анатолий Карпов билан кўнгилсиз воқеа юз берди
Шахмат бўйича собиқ жаҳон чемпиони Анатолий Карпов Москвадаги шифохонага ётқизилди. Бу ҳақда «112» телеграм-канали хабар берди.
Анатолий Карпов ўтган шанба куни Давлат думаси ёнида ҳушсиз ҳолатда топилган. Ҳозир у шифохонанинг жонлантириш бўлимида, сунъий комага ўтказилган. Шифокорлар унга бош мия ёпиқ жароҳатланиши, чап сон суяги синиши ва алкоголдан кучли заҳарланиш ташхисини қўйишган.
Тадбиркор Андрей Ковалёвнинг айтишича, депутат (Анатолий Карпов — Дума депутати)га номаълум шахслар ҳужум қилган. Бироқ «112» телеграм-канали манбаси бу хабарни тасдиқламади. Гроссмейстернинг ёрдамчиси ҳам босқин ҳақидаги хабарни инкор этди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter