Хитой қирувчиси Америка учоғи билан тўқнашиб кетишига бир баҳя қолди
Хитой ҳарбий-ҳаво кучларининг қирувчи самолёти Жанубий Хитой денгизи устида учаётган АҚШ бомбардимончи самолётига жуда яқин келган. Euronews’га кўра, самолётлар орасида атиги 3 метр масофа қолган. “Бу фалокат билан якунланиши мумкин эди”, дея хабар беради телеканал.
Маълум бўлишича, ҳодиса икки двигателли Shenyang J-11 қирувчи самолёти ҳамда B-52 бомбардимончи учоғи иштирокида юз берган. АҚШ Ҳинд-Тинч океани қўмондонлигига кўра, ҳаддан ташқари тез ва пастлаб учган Хитой қирувчиси тўқнашув хавфини юзага келтирган.
Хитой томони бу ҳақда ҳозирча изоҳ бермаган. Шу йилнинг май ойида содир бўлган шунга ўхшаш воқеада расмий Пекин Вашингтоннинг шикоятларини рад этиб, Жанубий Хитой денгизи устидаги бундай парвозларни тўхтатишни талаб қилганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter