Суперкомпютер АПЛ ғолиблиги учун асосий даъвогарларни кўрсатди
Opta суперкомпютери АПЛ (Англия чемпионати) жорий мавсумининг қолган қисми бўйича 10 мингта симуляциядан сўнг чемпионликка энг яқин жамоаларни кўрсатди.
Компютерга кўра, Англия чемпиони бўлиш учун яққол номзод — «Ливерпул» (85,8 фоиз).
«Арсенал»нинг имкониятлари — 14,1 фоиз, «Манчестер Сити» эса 0,1 фоиз эҳтимол билан чемпион бўлиши мумкин — Абдуқодир Ҳусанов жамоаси турнирни ютиши учун мўъжиза юз бериши керак.
АПЛ турнир жадвалида ортда қолган 25-турдан сўнг «Ливерпул» яққол карвонбошига айланган (60 очко). Иккинчи ўриндаги «Арсенал» ҳисобида 53 очко бор, «Ноттингем Форест» — учинчи (47 очко), «Манчестер Сити» — тўртинчи (44 очко) ўринда.
Жамоалар жами 38 тадан ўйин ўтказади, мавсум тугашига 13 тур қолди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter