Қарийб 2,4 млн рублнинг ноқонуний олиб чиқилишига чек қўйилди
Чегарадан яширин тарзда меъёрдан ортиқ бўлган нақд хориж валютасини олиб чиқишга бўлган уриниш фош қилинди.
Тошкент вилояти божхона бошқармаси Матбуот хизматининг хабар беришича, «Ойбек» чегара божхона пости орқали пиёда тарзда қўшни давлатга чиқиб кетаётган йўловчи божхона назоратидан ўтаётган вақтда ўзининг шубҳали ҳаракатлари билан божхона ходимларининг эътиборини тортган. Шу сабабли йўловчи белгиланган тартибда шахсий кўрикдан ўтказилган.
Кўрик натижасида йўловчининг шим бел қисми ҳамда чўнтакларида божхона назоратидан яширилган ва белгиланган меъёрдан ортиқ бўлган 2 370 000 Россия рубли миқдоридаги нақд хорижий валюта аниқланди.
Ҳозирда мазкур ҳолат юзасидан тегишли суриштирув ҳаракатлари олиб борилмоқда.
Маълумот учун, амалдаги қонунчиликка мувофиқ, жисмоний шахсларга божхона чегаралари орқали эквиваленти 100 миллион сўмга тенг ёки ундан ошмайдиган миқдордаги нақд валюта маблағларини олиб чиқишга рухсат этилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter