Бош прокуратурадан қўшиқчи Алла Пугачёвани Украина Қуролли Кучларини молиялаштирганини текшириш сўралган.

Хавфсизлик ва коррупцияга қарши кураш бўйича федерал лойиҳа раҳбари Виталий Бородин эстрада хонандаси Алла Пугачёвани Украина Қуролли Кучлари учун маблағ ажратгани факти бўйича текшириш илтимоси билан Бош прокуратурага мурожаат қилди, деб ёзмоқда «ТАСС».

«Мен сиздан Алла Борисовна Пугачёвани Украина Қуролли Кучларига молиявий ёрдам учун текширишингизни сўрайман», дейилади ҳужжатда.

Бородин ўз мурожаатида ўтган йилнинг сентябр ойида Исроилга кўчиб ўтган ижрочи Украинада махсус ҳарбий операция ўтказилишини танқид қилганини, шунингдек, Россияни тарк этган санъаткорларни қўллаб-қувватлаганини эслатиб ўтди. Бундан ташқари, қўшиқчини Украинага молиявий ёрдам кўрсатганликда айблади.

Эслатиб ўтамиз, аввалроқ россиялик таниқли хонанда Алла Пугачёва турмуш ўртоғи Максим Галкиннинг хорижий агент деб топилиши ортидан кескин баёнот билан чиққанди.