Массачусетс умумий касалхонасининг америкалик олимлари озиқ-овқат аллергиясининг янги сабабини аниқладилар. Маълум бўлишича, иммунитет тизимида ерёнғоқ ва бошқа баъзи маҳсулотларга нисбатан генетик ўзгаришлар мавжуд. Тадқиқот Science Translational Medicine (STM) илмий журналида чоп этилди.

“Гўёки бизнинг ДНКимизга ерёнғоққа қарши код ўрнатилганга ўхшайди”, деб тушунтирди лойиҳани бошқарган доктор Сарита Патил.

Олимлар шуни аниқладиларки, кўпчилик одамлар организмида озиқ-овқат оқсилларига қарши бир хил антитаналар ишлаб чиқаришга олиб келадиган ўзига хос генлар мавжуд.

Энг ажабланарлиси шундаки, бу антитаналар 1-3 ёшли болаларда ерёнғоқни татиб кўришлари биланоқ ишлаб чиқарила бошлайди.

Бу кашфиёт озиқ-овқат аллергиясини даволашда инқилоб қилиши кутилмоқда. Антитаналар барча одамларда деярли бир хил бўлганлиги сабабли, олимлар энди иммунитет тизимини "қайта дастурлаштирадиган" универсал дори ишлаб чиқишлари мумкин.

Тадқиқотчиларнинг фикрича, кашф этилган механизм озиқ-овқат аллергиялари муаммосига бир марта ва бутунлай чек қўйиш имконини беради.