Тошкентда экотизим ҳамкорлари учун Huawei Digital Power семинари бўлиб ўтди.

Семинарда Huawei Digital Power компаниясининг 100 дан ортиқ етакчи мутахассислари, экспертлари ва ҳамкорлари маълумотлар марказлари, рақамли ва қайта тикланадиган энергия каби соҳалар учун илғор технологиялар ва инновацион ечимларни муҳокама қилиш ҳамда Ўзбекистонда рақамли ва энергетика инфратузилмасини мустаҳкамлаш мақсадида муваффақиятли глобал тажриба алмашиш учун йиғилди.

2023 йил 13 октябр куни Huawei компанияси Ўзбекистонда рақамли энергетикани ривожлантириш мавзусида семинар ўтказди, унда AКТ соҳасига энергия тежовчи инновацион технологияларни жорий этиш ва қайта тикланадиган қуёш енергияси манбаларидан фойдаланиш нуқтаи назаридан соҳани ривожлантириш имкониятлари кўриб чиқилди. Huawei менежерлари ва экспертлари, ихтисослашган ташкилотлар менежерлари ва мутахассислари, ҳамкорлар ва тартибга солувчи экспертлар мамлакатда рақамли энергетикани юқори сифатли ривожлантиришни жадаллаштириш мақсадида яшил, самарали, мослашувчан, интеллектуал ва барқарор глобал энергия тизимини қуриш тажрибасини ўргандилар.

Huawei Datacenter Facility and Critical Power Business  Яқин Шарқ ва Марказий Осиё минтақаси директори жаноб Ван Сиан “Экологик келажак учун маълумотларни қайта ишлаш маркази ечимларидаги глобал тенденсиялар” мавзусида тақдимот қилди ва рақамли иқтисодиёт ривожланиб бораётгани сари глобал тармоқлар, ҳисоблаш қуввати ва маълумотлар ҳажми жадал ўсиб бораётганини таъкидлади. “Ушбу жараённи қўллаб-қувватлаш учун пойдевор бўлиб маълумотларни қайта ишлаш марказлари, алоқа тармоқлари ва сенсор қурилмалари хизмат қилади. Huawei компанияси рақамли саноат учун янги энергетика инфратузилмасини барпо этиш, рақамли дунёни қувватлантириш учун энергия бўшлиғини бартараф этиш орқали ҳар бир ваттга кўпроқ уланишни таъминлаш ва ҳар бир ваттдан кўпроқ ҳисоблаш қувватини олиб чиқаришга интилади”, — дея қўшимча қилди Ван Сиан.

Қайта тикланадиган қуёш энергетикасини ривожлантиришга бағишланган сессияда Huawei Яқин Шарқ ва Марказий Осиё минтақаси бошқарувчиси жаноб Сзин Юй компаниянинг фотоволтаик технологиялар ва энергия сақлаш тизимларига асосланган углерод нейтраллигига тезда эришиш бўйича қарашларини тақдим этди. “Технология ривожланиши билан қуёш энергияси ишлаб чиқариш харажатлари пасайишда давом этади. Фотоволтаик энергия ишлаб чиқаришнинг тижорат қиймати қазиб олинадиган ёқилғи қийматидан анча юқори. Бироқ, қайта тикланадиган енергия манбаларининг юқори кириб бориши электр тармоқларининг барқарорлигига таъсир қилиши мумкин. Ушбу қийинчиликларга қарамай, Huawei Digital Power инновациялар киритишда давом этмоқда ва бит ва ватт конвергенциясини, шунингдек, узлуксиз ишлашни қўллаб-қувватлаган ҳолда қайта тикланадиган энергия манбаларини тармоққа интеграциялашган ҳолда фотоволтаик тизимлар ва энергия сақлаш тизимлари (ЕСС) конвергенциясини тарғиб қилмоқда. Шу мақсадда Huawei Digital Power ўз мижозлари ва ҳамкорлари билан янги энергия тизимларини яратишни тезлаштириш ва углерод нейтраллигига эришиш учун яқиндан ҳамкорлик қилмоқда”.

Рақамли энергетика экотизим соҳаси эканлигини ҳисобга олган ҳолда, Huawei Digital Power 2021 йилдан буён Ўзбекистондаги тартибга солувчи органлар ва саноат ҳамкорлари билан барқарор ҳамкорлик қилиш мажбуриятини олади. Бунга мисол қилиб, сертификатланган минтақавий ВAП-ҳамкори Photomate билан яқин ҳамкорликни келтириш мумкин, улар билан биргаликда Ўзбекистонда қуёш енергияси ечимларини татбиқ этиш бўйича қатор лойиҳалар амалга оширилган. “Чехиянинг Photomate компанияси Ўзбекистондаги иш фаолиятининг биринчи йилида Huawei билан қўшма иш ва ҳамкорлар билан 50 МВт дан ортиқ ускунани муваффақиятли амалга оширишга муваффақ бўлди, 50 та станцияни ўрнатиш ва улашда ёрдам берди ва шунингдек, маҳаллий муҳандислар учун ўнлаб техник тренинглар ўтказди. Умуман олганда, Photomate Ўзбекистон учун қуёш энергияси йўналишида катта истиқболларни кўради ва маҳаллий ва халқаро компаниялар билан янада самарали ҳамкорлик қилишга умид қилади”, — деди Photomateнинг Кавказ ва Марказий Осиё бўйича минтақавий директори Aлександр Шамров.

Тадбир давомида иштирокчилар компаниянинг рақамли энергетика соҳасида ҳамкорлар билан ишлаш сиёсати билан танишдилар ва тижорат, саноат тармоқлари ҳамда маиший қуёш электр стансиялари бозори ва электромобилларни ўта тезкор қувватлаш станциялари учун фотоелектрик ечимлар билан танишишга муваффақ бўлдилар.