Нукус воқеаларининг асосий «фигурант»и – Тажимуратов 16 йилга қамалди
Бухоро вилояти суди биносида 2022 йилнинг 1−2 июлидаги Нукус воқеаларида айбланаётган 22 нафар судланувчига нисбатан ҳукм ўқиб эшиттириш давом этмоқда.
Маълум қилинишича, ушбу жиноий ишда асосий айбдорлардан бири деб қаралаётган Даулетмурат Тажимуратов 16 йилга озодликдан маҳрум қилинган.
Судда прокурор Тажимуратовга 18 йил беришни сўраганди.
Шунингдек, озодликни чеклаш жазоси тайинланган 4 нафар судланувчи суд залида қамоқдан озод қилинди. Уларнинг орасида, аввал хабар қилинганидек, журналист Лолагул Қаллиханова ҳам бор.
Эслатиб ўтамиз, Тажимуратов уюшган гуруҳ ташкил қилиб, Қорақалпоғистон Республикасининг амалдаги ҳукуматини ағдариб, ўзини Жўқорғи Кенгес раиси лавозимига тайинлаш мақсадида оммавий тартибсизликларни ташкиллаштиришда айбланганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter