Мактабгача ва мактаб таълими бўлимини «туширмоқчи» бўлганлар аниқланди
Қува туманида мебель ва бошқа жиҳозларни қиммат нархларда етказиб берган шахслар аниқланди.
Бош прокуратура ҳузуридаги Департаментнинг Қува туман бўлими томонидан ўтказилган терговга қадар текширувда «Q.N.» МЧЖ раҳбари Ж.В. ва бошқалар ўзаро тил бириктириб, туман мактабгача ва мактаб таълими бўлимига мебель ва бошқа жиҳозларни тўғридан-тўғри шартномалар тузиш орқали ҳақиқий баҳосидан 532,8 млн сўмга қиммат нархларда етказиб берганликлари аниқланган.
Мазкур ҳолатлар юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter