Коронавирус кўпроқ қайси касб эгаларига ажал уруғини сепмоқда?
Калифорния университети Глобал тиббий фанлар институти олимлари коронавирус туфайли ўлим хавфи юқори бўлган касбларни аниқлашди.
Шундай қилиб, шифокорлардан кейин озиқ-овқат саноати ва қишлоқ хўжалиги ходимлари энг заиф гуруҳ бўлиб чиқди. Одатдаги ўлим ҳолати билан таққослаганда, уларда бу кўрсаткич 39 фоизга ошган. Ундан кейинги ўринларда транспорт ва логистика ишчилари бормоқда. Улар орасида ўлим даражаси 28 фоизга ўсган.
Учинчи гуруҳдан ишлаб чиқариш корхоналарида меҳнат қиладиган одамлар — 27 фоиз, шунингдек, ишлаб чиқариш саноати мутахассислари жой олишди. Улар орасида ўлим кўрсаткичи 23 фоизга ошган.
Олимлар бундай тадқиқот натижаларини 2020 йилнинг март ойидан октябрь ойигача Калифорниядаги COVID-19 беморларининг анкета маълумотларини таҳлил қилиш орқали олишди. Умуман олганда, ушбу даврда минтақада ўлим даражаси 22 фоизга ошган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter