Июл ойида мутахассислар бешта магнит бўронларини тахмин қилмоқдалар. Улардан биринчиси Ерни бугун, 1 июлда қоплайди.

Unian.net маълумотларига кўра, 7-8 июл жума ва шанба кунлари икки кунлик магнит бўрони кутилмоқда.

Учинчи хавфли давр 12-13 июл кунлари кутилмоқда. 12-куни бўрон ўртача, 13-куни эса кучсизроқ бўлади.

Июл ойи ўрталарида узоқ давом этадиган магнит бўрони кутилмоқда. У тўрт кун кетма-кет, 16 июлдан 19 июлгача давом этади ва куч жиҳатидан заифроқ бўлади. Ойнинг сўнгги магнит бўрони 29 июл куни кутилмоқда.

Магнит бўронлари кунларида одамлар ўзини лоҳас сезиши, уйқу бузилишини ва бош оғриғини ҳис қилишлари мумкин. Сурункали касалликларга чалинган одамларда ҳуруж кузатилиши мумкин. Магнит бўронлари кексалар, сурункали касалликларга чалинганлар ва кичик ёшли болаларга энг кўп таъсир қилади.

Асосий аломатлар:

• бош оғриғи, мигрен, бош айланиши;
• уйқучанлик, уйқусизлик;
• асабийлашиш, ташвишнинг кучайиши;
• диққатни жамлашнинг бузилиши, диққат билан қийинчилик;
• депрессив ҳолатлар, депрессия;
• кучнинг йўқолиши, чарчоқ;
• сурункали касалликларнинг кучайиши;
• босим ва юрак уриш тезлигида сакраш;
• овқат ҳазм қилиш муаммолари, кўнгил айниши, иштаҳасизлик.

Шифокорлар бундай кунларда яхши ухлашни, тўғри овқатланишни, тоза ҳаводан кўпроқ нафас олишни ва этарли миқдорда сув ичишни тавсия қилади.