Етти америкалик ва Мадуронинг оғуфуруш икки қариндоши айирбошланди
Венесуэла етти нафар америкаликни Мадуронинг икки қариндоши билан айирбошлади. Reuters ёзишича, Citgo Petroleum нефт компаниясининг беш раҳбари АҚШга қайтарилди. Венесуэла уларни 2017 йилда ҳибсга олиб, «ўзлаштириш, пул ювиш ва фитна» каби айбловлар билан 13 йилга қамаганди.
Шунингдек, 2020 йилдан буён тутқунликда сақланаётган, террорчиликда айбланаётган денгиз пиёдалари ветерани Мэтю Ҳит ҳамда 2022 йил январида қўлга олинган флоридалик Осман Хон озод этилган.
Эвазига АҚШ Венесуэла президенти Николас Мадуронинг 2017 йилда гиёҳванд моддалар контрабандаси билан шуғулланиш айби қўйилиб, 18 йилга қамалган икки қариндошини Венесуэлага топширди.
Байден администрациясидаги амалдорлардан бирининг айтишича, айирбошлаш «АҚШ ва Венесуэла ўртасидаги» учинчи мамлакат аэропортида амалга оширилган. Айнан қайси мамлакат — номаълум.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter