Бугун 7 нафар бемор вафот этди. Улар орасида 29 ёшли фуқаро ҳам бор
Шу йилнинг 22 август куни мамлакатимизда 458 ҳолатда касаллик қайд этилган бўлиб, барчаси тана ҳарорати кўтарилганлиги боис профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган. Бу ҳақда ССВ матбуот хизмати хабар берди.
Шу билан бирга, Тошкент шаҳрида 7 нафар коронавирусга чалинган бемор вафот этди. Улар орасида 29 ёшли фуқаро ҳам бор.
Эътиборли жиҳати, бугун Тошкент шаҳри, Тошкент, Самарқанд, Андижон ҳамда Фарғона вилоятларида жами 587 нафар бемор соғайди.
Ҳозирда касаллик қайд этилган жами 38 532 нафар бемордан 34 576 нафари соғайиб, даволаниш кўрсаткичи 89 фоизни ташкил этмоқда.
Айни пайтда тиббиёт муассасаларида даволанаётган 3 689 нафар бемордан 259 нафари оғир, 116 нафари эса ўта оғир аҳволда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter