«Селфи» 18 ёшли ўсмирга қимматга тушди
Тошкентда 18 ёшли ўсмир суратга тушиш учун поезд вагони томига чиққанида уни 27 минг волтлик электр токи урган. Бу ҳақда «Миллар» дастурида маълум қилинди.
ХАбарда айтилишича, воқеа жорий йилнинг 20 сентябрида соат 19:05 да «Ҳамза» станциясида содир бўлган.
Йигит электр токи уриб, ерга йиқилган ва воқеа жойига етиб келган станция ходимлари унинг ёниб кетган кийимларини ўчиришган. Жабрланувчига биринчи тиббий ёрдам кўрсатилган ва тез ёрдам чақирилган.
Йигит танасининг 98 фоизи ток уриши натижасида куйгани ва ҳозирда аҳволи оғир экани айтилмоқда. Ҳуқуқ-тартибот идоралари ходимлари суриштирув ишларини олиб бормоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter